![تقنية الـ LIFI البديلة للـ WIFI]()
تقنية الـ LiFi او Light Fidelityهي تقنية جديدة ابتكرها العالم هارلد هاس من اسكتلنداالتقنية دي تعتبر البديل المستقبلي لتقنية الواي فاي وبتعتمد على استخدام الضوء كوسيلة لنقل البيانات بدلا من الاعتماد على موجات الراديو المستخدمة في تقنية الـ WiFiمن مميزات تقنية الـ LiFi انها هتكون غير مكلفة بالاضافة لانها هتقدر تنقل البيانات بسرعة تصل لـ 10Gbps في الثانيةكمان سهولة التحكم في مدى التغطية بحيث ان المكان المغطى فقط بالاضاءة هو اللي تقدر تتصل فيه بالانترنت
كمان سهولة التغطية حيث يسهل توجيهها ومع انتشار المصابيح في كل مكان يمكن تغطية الاماكن بسهولة
ومن الجدير بالذكر انها تعمل مع المصابيح من النوع LED والفكرة تكمن في ان هذه المصابيح في الاساس تكون متقطعة بشكل سريع جدا لا تلاحظه العين
ويتم استغلال هذه التقطعات عن طريق تحويلها لنظام الـ Binary Code اي 0 و 1 وهو نظام التعامل مع البيانات في الكمبيوتر
ويمكن استخدام اي مصباح من نوع LED لنقل البيانات عن طريق تركيب شريحة تجعله يدعم هذه التقنية ليقوم المصباح بترجمه البيانات المرسلة من Binary Code الى تقطيعات سريعة لا تراها العين المجردة ثم يقوم جهاز الاستقبال بترجمة هذه التقطيعات مرة اخرى الى Binary Code ليفهمه الكمبيوتر ويقوم بترجمته الى بيانات
تحياتي للجميع .. خالد جاد LeRoi
![ايه هو الانترنت وايه مصدره ؟]()
ايه هو الانترنت ؟؟ ومصدره منين او جاي منين الانترنت دا ؟؟
سؤال ممكن يخطر على بال كتير من الناس وفي ناس بتخلط بين الانترنت وبين مصدر البيانات اللي موجودة على الانترنت
عموما اجابة السؤال دا فين مصدر الانترنت ؟؟
ببساطة الانترنت ملوش مصدر قد يكون له منشأ يعني نشأ في مكان معين لكن ليس له مصدر
يعني ايه الكلام دا يعني الانترنت دا عبارة عن شبكة كبيرة بين الدول تسمح بتبادل المعلومات بين كل دولة واخرى الشبكة دي بتربط كل الدول ببعضها عن طريق اما كابلات بحرية او اقمار صناعية او اي وسيلة ربط اخرى
معنى كدا ان انا لو جيت وشيلت امريكا من العالم هل هيبقى فيه انترنت ؟؟
اه هيبقى فيه انترنت بس كل اللي هيحصل اني مش هقدر اتصل بأمريكا والدول اللي انا متصل بيها عن طريق امريكا لكن الدول الاخرى هقدل اتصل بيها وافتح المواقع اللي على سيرفرات داخل الدول دي
مثال للتوضيح :
احنا افترضنا اننا هنفصل امريكا ومعنى كدا ان انا مش هقدر افتح المواقع اللي موجودة على سيرفرات امريكا لكن باعتبار ان انا متصل بفرنسا لسه عن طريق الكابل البحري هقدر اتصفح المواقع اللي على سيرفرات موجودة في فرنسا
اذا الانترنت لا يوجد له مصدر محدد يمكن ايافه منه ولذلك لا يوجد دولة تستطيع التحكم في شبكة الانترنت او ايقافها
يعني باختصار الانترنت دا عبارة عن شبكة كبيرة بين الدول بتوصل كل الدول ببعضها بهدف تبادل البيانات بين الدول دي
طيب الدول دي بتوصل ببعضها ازاي زي ما قولنا عن طريق كابلات بحرية او الاقمار الصناعية مثلا بعد كدا الكابلات البحرية دي بتدخل على شركات اللي هي بدورها بتقوم بعمل شبكة كبيرة داخل الدولة زي تي اي داتا كدا او لينك ما الشركات دي عبارة عن شبكة كبيرة داخل مصر بتقوم بتوزيع الانترنت وانت تستقبل الانترنت دا عن طريق الروتر بعد كدا انت عن طريق الروتر تبدا تاخد نت وتتصل بالعالم وشركة الانترنت عندها سيرفرات بتتحكم بيها في سرعة العملاء وكل عميل بيبقى له اي بي بس العميل بالنسبة للشركة هو الروتر مش جهاز الكمبيوتر بتاعك
يعني معنى كدا ان وانا على جهازي البيانات بتعدي من الكمبيوتر تروح للروتر والروتر يبعت البيانات دي عن طريق سلك التليفون وتفضل ماشي لحد ما توصل لسيرفرات الشركة وسيرفرات الشركة توصل البيانات للكابلات البحرية ومن الكابلات البحرية تروح للدولة اللي انت متصل من خلالها او اللي بينك وبينها كابل ومن الدولة دي البيانات تعدي لدولة او دول اخرى لحد ما توصل للسيرفر اللي انت طلبت العنوان بتاعه زي الفيس بوك مثلا
يبقى الانترنت ما هو الا شبكة كبيرة على مستوى العالم ملهاش مصدر
اما بقى البيانات اللي على الانترنت والمعلومات فدي مصدرها ايه ؟؟
دي مصدرها مجموعة كبيرة من السيرفرات ايه هو السيرفر هو جهاز كمبيوتر بس بمواصفات خاصة ومتصل بالانترنت بسرعة عالية وله عنوان ثابت بيبقى عليه مجموعة من البيانات والمعلومات اللي انا اقدر اوصل ليها عن طريق كتابة عنوان السيرفر دا في متصفح الانترنت زي facebook.com
السيرفرات دي متوزعة على مستوى العالم يعني في سيرفرات في امريكا وكندا وايطاليا وغيرهم من الدول السيرفرات دي عليها البيانات اللي على الانترنت
يبقى خلاصة الموضوع
مصدر الانترنت : لا يوجد له مصدر فهو عبارة عن شبكة كبيرة بين الدول
مصدر البيانات الموجودة على الانترنت : مصدرها مجموعة من السيرفرات المنتشرة في دول العالم ومتصلة بالانترنت
خالد جاد LeRoi
